Depay arejea timu ya taifa Uholanzi

Uholanzi wataanza na Memphis Depay akiongoza safu yake ya ushambuliaji na Frenkie de Jong katika safu ya kati katika robo fainali ya Ligi ya Mataifa ya Alhamisi dhidi ya Uhispania.

Depay mwenye umri wa miaka 31 amebakisha mabao matano kabla ya kuwa mfungaji bora wa rekodi ya taifa lake, lakini hajaichezea timu ya Uholanzi tangu michuano ya Ulaya mwaka jana.

Depay hakuwa na klabu baada ya mkataba wake katika klabu ya LaLiga Atletico Madrid kumalizika msimu uliopita kabla ya kusajiliwa na Corinthians nchini Brazil mwezi Oktoba.

Koeman alikwenda kumtazama akiwa kwenye kikosi cha Sao Paulo mwezi uliopita kabla ya kumrejesha kikosini.

"Jinsi nilivyomwona Memphis akiwa Brazil na jinsi ninavyomwona sasa, jinsi alivyoingia na jinsi anavyoonekana safi katika mazoezi, inanipa ujasiri kwa kesho," Koeman aliambia mkutano na waandishi wa habari Jumatano.

Itakuwa mechi ya 99 kwa Depay siku ya Alhamisi, akiwa ameifungia timu ya taifa mara 46. De Jong alikuwa mgonjwa wikendi na akakosa ushindi wa 4-2 wa Barcelona dhidi ya Atletico kwenye LaLiga lakini amepona.

De Jong mwenye umri wa miaka 27 alisema yuko tayari kucheza, ingawa kulikuwa na maswali kuhusu jeraha la kifundo cha mguu ambalo lilimuweka nje ya Euro 2024.