McTominay kutua Napoli

Napoli wamekubali ada ya euro 30m (£25.4m) na Manchester United kwa ajili ya kiungo Scott McTominay.

Ingawa masharti ya kibinafsi bado yatakubaliwa na McTominay bado hajakubali kuhamia Serie A ya Italia, ni mwaka wa pili mfululizo United imeonyesha nia ya kumuuza mhitimu huyo wa akademi.

Mapema mwezi wa Agosti, United ilikataa dau la pauni milioni 20 kutoka kwa Fulham kwa ajili ya mchezaji huyo wa kimataifa wa Scotland.

Msimu uliopita, McTominay mwenye umri wa miaka 27 alikataa nafasi ya kujiunga na West Ham na akaishia kucheza mechi 32 za Premier League na kuifungia United mabao saba.

Meneja Erik ten Hag bado anataka kuimarisha kikosi chake na anajua hali ya McTominay kama mchezaji wa nyumbani inaleta unyumbufu zaidi ndani ya kanuni za kifedha za Ligi Kuu.

Man United wanavutiwa sana na mchezaji wa kimataifa wa Uruguay wa Paris St-Germain Manuel Ugarte lakini hadi sasa hawajaweza kufikia makubaliano na klabu hiyo ya Ufaransa.