Iniesta kuondoka Visel Kobe
Mchezaji wa zamani wa Barcelona na Uhispania, Andres Iniesta ataachana na klabu yake ya Vissel Kobe baada ya kuitumikia kwa miaka mitano.
Mchezaji huyo mwenye umri wa miaka 39 atacheza mechi yake ya mwisho kwenye kikosi hicho tarehe 1 Julai, katikati mwa msimu wa J-League.
Iniesta, ambaye amecheza mechi tatu pekee akitokea benchi hadi sasa msimu huu kwa viongozi wa ligi Vissel, hana mpango wa kustaafu mara moja.
"Nataka kumaliza muda wangu hapa vizuri kisha nione ni chaguzi gani zinapatikana kwangu," alisema.
"Nataka kuendelea kucheza na kisha kustaafu nikiwa bado hai. Hiyo ni ngumu kwangu kufanya hapa, kwa hivyo nataka kutafuta mahali ambapo naweza kustaafu."
Iniesta alijiunga na Vissel mwaka wa 2018 na ameichezea klabu hiyo mara 133, akishinda Kombe la Emperor's Cup la Japan mwaka 2019 na Kombe la Super Cup la Japan mwaka uliofuata.
Hiyo ilifuatia maisha ya miaka 22 akiwa Barcelona, ambapo alishinda mataji 32 katika mechi 674 za wakubwa.
Alisema kuchagua kuondoka Vissel ilikuwa "moja ya maamuzi magumu zaidi ya kazi yangu".
"Siku zote nilidhani ningestaafu hapa, lakini mambo hayajaenda kama nilivyotaka," alisema.
"Kwa miezi michache iliyopita nilifanya mazoezi kwa bidii kwa nia ya kuchangia timu, lakini nilianza kuhisi kuwa kocha alikuwa na vipaumbele tofauti."