29 Nov 2021 / 61 views
Rangnick achukua mikoba ya Solskjaer

Manchester United wamemteua Ralf Rangnick kama meneja wao wa muda hadi mwisho wa msimu huu, kwa kutegemea mahitaji ya viza ya kazi.

Kocha huyo mwenye umri wa miaka 63 anachukua mikoba ya Ole Gunnar Solskjaer, ambaye alifutwa kazi tarehe 21 Novemba kufuatia kushindwa na Watford.

Rangnick ameacha nafasi yake kama mkuu wa michezo na maendeleo katika klabu ya Lokomotiv Moscow ya Urusi ili kuchukua kazi hiyo.

"Nina furaha kujiunga na Manchester United na kulenga kuufanya msimu huu kuwa wa mafanikio," alisema Rangnick.

Mechi yake ya kwanza kuinoa United kwenye Premier League, inaweza kuwa dhidi ya Arsenal tarehe 2 Desemba ikiwa ombi lake la kibali cha kazi litapokelewa kwa wakati.

Ikiwa sivyo, meneja wa muda Michael Carrick atasalia kuwa msimamizi wa upande.“Kikosi kimejaa vipaji na kina uwiano mkubwa wa vijana na uzoefu,” aliongeza Rangnick.

"Juhudi zangu zote kwa miezi sita ijayo zitakuwa kusaidia wachezaji hawa kutimiza uwezo wao, kibinafsi na, muhimu zaidi, kama timu. "Zaidi ya hayo, ninatazamia kuunga mkono malengo ya muda mrefu ya klabu kwa msingi wa ushauri."