PSG yatoa dozi Ligi 1
Paris St-Germain walitoka nyuma na kuwashinda wachezaji 10 Saint-Etienne na kusonga mbele kwa pointi 14 kileleni mwa Ligue 1.
Baada ya Neymar kumaliza mapema na kuamuliwa kuwa ameotea, Denis Bouanga aliipatia St Etienne bao la kuongoza dakika ya 23.
Timothee Kolodziejczak alitolewa nje kwa kadi nyekundu kwa kumchezea vibaya Kylian Mbappe na Marquinhos akaifungia PSG kwa kichwa kutokana na mkwaju wa faulo kabla ya kipindi cha kwanza kwenda mapumziko.
Angel di Maria alijifunga zikiwa zimesalia dakika 11 na Marquinhos akaongeza la tatu kwa wageni katika muda ulioongezwa.
Bao la kwanza la Bouanga, lililothibitishwa na VAR baada ya kuripotiwa kuwa ameotea, ilikuwa mara ya 11 kwa PSG ya Mauricio Pochettino kuruhusu bao la kwanza la ligi mwaka 2021 - idadi yao kubwa zaidi katika mwaka wa kalenda tangu 2012.
Hiyo ilikuwa licha ya kucheza kwa mara ya kwanza kwa beki wa zamani wa Real Madrid Sergio Ramos, ikiwa ni mara yake ya kwanza kuichezea klabu hiyo tangu kuhama kwake mwezi Julai.
Lionel Messi, ambaye alisaidia mabao yote matatu ya timu yake, alipuuza nafasi adhimu ya kuwaweka wageni mbele katikati ya kipindi cha pili alipopiga shuti nje baada ya kufuatilia jaribio la kuokoa la Neymar.
Lakini alirekebisha, na kutoa pasi nzuri sana akiwa nje ya kiatu chake na kumtengenezea Di Maria kabla ya kupiga krosi kwa Marquinhos huku PSG wakizidisha faida yao baada ya Nice iliyo nafasi ya pili kufungwa 1-0 na Metz Jumamosi.