Aston Villa wasajili kipa kutoka Arsenal
Klabu ya Aston Villa imemsajili mlinda mlango Emiliano Martinez kutoka Arsenal kwa ada iliyogharimu paundi milioni 17 na kusaini mkataba wa miaka minne.
Muargentina huyo mwenye umri wa miaka 28, ambaye alicheza mara 23 msimu uliopita na kucheza katika mchezo wa mwisho wa Kombe la FA dhidi ya Chelsea.
Meneja wa Villa Dean Smith amesema Martinez atakuwa "mchezaji muhimu kwa klabu hiyo baada ya kujiunga kwa ajili ya kuitumikia.
"Ni nadra kuweza kununua kipa wa kiwango cha juu ambaye bado hajafikia umri wao wa juu," akaongeza.
"Tunajua jinsi Arsenal ilimkadiria sana na tuliangalia uchezaji wake mzuri msimu uliopita katika kikosi kilichoshinda kombe la FA."
Martinez anaondoka Arsenal miaka 10 baada ya kujiunga kama mchezaji wa timu ya vijana mnamo 2010.
Meneja wa Gunners Mikel Arteta aliamua Bernd Leno atakuwa chaguo lake la kwanza msimu huu na Mjerumani huyo alianza ufunguzi wa Ligi Kuu ya Arsenal Jumamosi - ushindi wa 3-0 huko Fulham.
Ni usajili wa tatu wa Villa msimu huu wa joto baada ya mshambuliaji Ollie Watkins kusainiwa kutoka Brentford kwa ada ya rekodi ya klabu na beki wa kulia Matty Cash kuwasili kutoka Nottingham Forest.